Die Weg

 

Ons het mos

Ons het Gods ewige Belofte wat onbeweeglik staan.
En ook het ons ‘n Waarheid wat nooit sal ondergaan.
Ons het ‘n Skild en Wapen in elke kamp en stryd.
En ook ‘n Uitsig op verre heerlikheid.
Ons het ‘n Spyse wat steeds ons siele voed.
Ons het ‘n Skadu in warme sonnegloed.
Ons het ook ‘n Ontfermer, wat dink aan my en jou,
En ons kry krag vir dra van laste, want Hy omvou.
Ons het ook nog ‘n Trooster, selfs by die ergste skuld.
Ons het ‘n Meester vol goddelik’ geduld.
Ons het ‘n Blydskap, wat niemand weg kan roof.
Ons het die Grote Koning, wat ons Sy Ryk beloof.
Ons het ‘n Toevlug, in alle nood en pyn.
Ons het ‘n Rykdom, wat bly as alles dalk verdwyn.
Ons het dié Groot Genade, weer en weer vir elke dag.
Ons het ‘n Leidsman, vertrou Hom dag en nag.
Ons het ook ‘n Verlosser, wat vir ons skulde het geboet.
Ons het bevryding deur Sy hoogheilig bloed.
Ons het ‘n Rots waarop ons veilig staan.
Ons het ‘n Weg waarop ons na die hemel gaan.
Ons het dié groot Erbarmer, wat al ons node ken.
Ons het ‘n Arts, wat Hom tot alle siekes wend.
Ons het ook dié Regeerder, wat regs langs onse Vader sit.
Ons het ‘n Priester, wat vir Sy broeders bid.

Ons het nou al dié skatte, maar meeste van dit al
IS DAT DIE HEILAND ONS VIR EWIG VASHOU SAL!

(Uit Nederlands vertaal (W du Preez) - oorspronklike outeur onbekend).

Kopiereg: Lukas du Preez (dieweg.co.za). Ontwikkel op w3.css